Séguenos en:

Volve un antigo proxecto: Cousas do Monte

Autor Andrés Cordeiro | 23 novembro 2020

Volve un antigo proxecto: Cousas do Monte

Moitos xa tivestes a ocasión desfrutar de Cousas do Monte, un conxunto de viñetas realizadas para dar a coñecer anécdotas que suceden diariamente ao redor dos montes e da natureza.

Os que coñecestes o proxecto Cousas do Monte o pasado mes de Marzo sabedes que intentamos de sacalo a través de micromecenado, lamentablemente non acadamos os obxectivos. Trátase de un libro que inclúe 12 viñetas centradas nos cogomelos e a nosa relación co medio, reeditadas e ampliadas con comentarios explicando cada unha das situacións que acontecen e como se relacionan coa nosa realidade.

Nesta ocasión, volvemos a sacar adíante este proxecto poñendo o libro en preventa. Temos os obxectivos moi claros e os presupostos moi axustados pero sobre todo queremos sacar este produto á venta antes de que remate este 2020. Grazas a preveenta podedes axudarnos a conseguilo. A continuación explicámosvos que é Cousas do monte e como vos poderedes facer con el antes que ninguén.

Que ofrece Cousas do Monte

Textos e ilustracións realizadas por catro novos investigadores, que ademais cada outono dedícanse a divulgar o apaixonante mundo dos cogomelos: Paula Estévez, Andrés Cordeiro, María Cabaleiro e Hugo Fernández todo baixo a revisión dunha das grandes voces da investigación micolóxica de España, Marisa Castro.

  • 10 viñetas reeditadas: Selección natural, Laranxa, Non che saben apreciar, Con filtro, Chinés, Cómese?, 2kg, O feitizo, Mellor cestiña e Ten que ser esta, e 2 viñetas novas adicionais que complementan certos aspectos ambientais que quedaban sen tratar.
  • Textos introdutorios exclusivos que sitúan cada viñeta dentro do marco normativo e achegan información que explica a situación que está a acontecer arredor da micofilia.
  • Varios anexos informativos ilustrados con recomendacións tanto para descubrir que é un fungo, como a súa bioloxía ou súa relación co medio.
  • Ilustracións e deseños inéditos e sorprendentes: unha maneira diferente de ver á natureza.

Por que Cousas do Monte?

As viñetas “Cosas do monte” tentan resumir varias das experiencias vividas no Laboratorio de Micoloxía da Universidade de Vigo, dirixido pola Dra. Marisa Castro, investigadora en micoloxía. Levamos máis de catro anos realizando educación ambiental e formación sobre micoloxía e non importa canto tempo pase, sempre nos atopamos as mesmas anécdotas cada ano.

A pesar dos esforzos por explicar o valor ecolóxico dos fungos nos bosques os «papasetas» enfócanse unicamente no seu valor gourmet. Ademais, algunhas persoas son «medorentas» e non queren tocalas e moito menos comelas. Finalmente, atopámonos cos «expertos» xa sabedes, persoas que levan toda a súa vida formándose en micoloxía da maneira máis formal e científica que existe: preguntándolle ao seu amigo Manolo (que ningún Manolo senta identificado), ou co seu guía de campo de 10 especies que lle indicaba que cogomelos podía coller.

Estas viñetas xorden da preocupación por unha mellor formación e divulgación da ciencia para partir do humor, o cambio de tradicións (aquelas accións que xa se demostrou ser malas para os fungos), unha maior seguridade e difusión da lexislación que regula a recolección de cogomelos en Galicia. Todo isto sen perder o sentido do humor e a ironía.

Quen somos?

Autores:

  • Paula Estevez (Pontevedra, 1993) é graduada en Bioloxía e master en Ciencia e tecnoloxía agroalimentaria e ambiental pola Universidade de Vigo e actualmente realiza a súa tese doutoral sobre fungos entomopatóxenos. É socia de MycoGalicia Plantae desde a súa fundación no ano 2017, en cuxo seo organizou diversas actividades. Leva máis de 4 anos impartindo cursos de micoloxía ensinando aspectos diversos sobre os fungos (taxonomía, ecoloxía, produción etc). Traballou noutros proxectos como o conxunto de libros coloreables A miña primeira guía micolóxica ou o Manual para a iniciación ao aproveitamento micolóxico forestal nos que realizou ilustracións e os deseños a toda cor.

  • Andrés Cordeiro (Pontevedra, 1993) é graduado en Bioloxía e master en Bioinformática e Bioestadística pola Universitat Oberta de Catalunya. Desde o ano 2016 imparte varios cursos de micoloxía tanto de maneira presencial como a distancia. É socio de MycoGalicia Plantae desde o ano 2017 onde realizou distintas actividades formando parte da organización das xornadas A outra cara do monte: aproveitamentos alternativos (2019).

  • María Cabaleiro (Pontevedra, 1993) é graduada en Bioloxía e master en profesorado pola Universidade de Vigo e actualmente realiza a súa tese doutoral sobre etnomicología. Leva máis de 5 anos impartindo cursos de micoloxía e ensinando tamén diversos aspectos de educación ambiental na Fundación Saes. É socia de MycoGalicia Plantae onde realizou distintas actividades sendo a autora e ilustradora dos catro exemplares da miña primeira guía micolóxica.

  • Hugo Fernández (Pontevedra, 1992) é graduado en Bioloxía pola Universidade de Vigo e actualmente realiza o master de Biodiversidade terrestre: Caracterización, conservación e xestión. Desde o ano 2017 é socio de MycoGalicia Plantae onde realizou varios cursos de cultivo de cogomelos. Leva máis de 5 anos impartindo cursos de micoloxía en colaboración co Laboratorio de Micoloxía no que traballou formando parte da organización das xornadas A outra cara do monte: aproveitamentos alternativos (2019).

Revisión e coautora:

  • Marisa Castro (Lugo, 1955). Doutora en bioloxía e profesora titular nel área de botánica, departamento de Bioloxía vexetal e ciencias do chan na Universidade de Vigo. Especialista en micoloxía, é unha das maiores estudosas da botánica de Galicia. Vicepresidenta da Sociedade Galega de Historia Natural de 1980 a 1986 e presidenta de Honra do Grupo do Micolóxico Gallego Luís Freire. Realizou unha gran cantidade de libros de micoloxía e botánica como Guía dás árbores autóctonas e ornamentais de Galicia (2007, Xerais), Guía micolóxica dous ecosistemas galegos (2005, Baia edicións) e Cogomelos de Galicia e norte de Portugal (2004, Xerais).

Prologuista:

  • Sabela Arias: (Lugo, 1969) Licenciada en Belas Artes na Universidade de Salamanca, profesora de debuxo e artista. A súa primeira exposición foi no ano 1988 na cidade de Lugo e posteriormente levou a súa obra por Galicia e outros Países como Francia, Portugal, O Salvador, Bosnia Hercegovina, Estados Unidos e Holanda. Traballou en varios proxectos de ilustración de contos para nenas e nenos, libros de poesía e historias. É a creadoras de “Historias de Icía e Avoa”, unha tira cómica que foi publicada semanalmente en El Correo Gallego desde setembro de 2006.

Por que o volvemos a sacar en preventa?

En abril, xa vos adiantamos que buscariamos unha maneira de sacar adiante este proxecto. Pensando nunha maneira de poder sacalo pola nosa conta decidimos volver a provar con esta metodoloxía de preventa que nos permite axustar ao máximo os custos de produción.

Esta metodoloxía é unha ferramenta útil para o desenvolvemento de produtos de maneira que poidamos axustar ao máximo o número de exemplares que imos producir. Que quere dicir isto? Pois que sacaremos únicamente ás unidades que nos precompredes e un pequeno stock de marxe que se axuste mellor ás posibilidades deste produto.

Ademais non dependemos de terceiras partes e a diferencia do micromecenado podemos asegurarvos a todos que o produto vai saír o mercado.

Axuda ao desenvolvemento deste proxecto facendo a túa precompra antes do 18 de decembro de 2020.

Comparte esta publicación en redes sociais:

Suscríbete á nosa newsletter

Subscríbete ao noso boletin para saber de todas as actividades, os vídeos e as novidades do noso blog.