«O xogo dos cogomelos»

Descripción

O xogo dos Cogomelos pretende dar a coñecer diferentes especies de fungos dos montes galegos. Aprender xogando é a mellor forma de lembrarse das cousas. Por iso, mediante xogos de cartas, os máis cativos poderán aprender algúns nomes populares e os nomes científicos destas especies e asociar a morfoloxía do cogomelo con eles.

Xogo de memoria (de 1 a 6 xogadores): pon cara abaixo tódalas cartas, dalle volta ás cartas de dúas en dúas ata atopar as parellas.

Xogo das parellas (de 3 a 6 xogadores): retira do xogo unha Amanita phalloides, repartide as cartas entre os xogadores e descartade as parellas. Cada xogador escolle por orde unha carta do contrario ata quedar sen elas. O xogador que quede coa Amanita phalloides perde.