«Plantas Tóxicas, Comestíveis e Curativas do Norte de Portugal e da Galiza»

Descripción

«Plantas Tóxicas, Comestíveis e Curativas do Norte de Portugal e da Galiza» é unha guía completa e rigorosa sobre as especies útiles do noroeste ibérico, elaborada desde unha sólida perspectiva etnobotánica. A obra combina o coñecemento científico de Marisa Castro —bióloga galega cunha ampla traxectoria na investigación e divulgación sobre a flora e a micoloxía— co saber tradicional de Balbina Silva, agricultora transmontana e depositaria dunha memoria viva de usos, nomes populares e aplicacións das plantas aprendidos ao longo da súa vida. Xunta, esta dupla visión ofrece unha referencia única que recolle identificación, usos medicinais e alimentarios, riscos tóxicos e o valioso patrimonio cultural asociado ás plantas da Eurorrexión.

Sobre as autoras

Marisa Castro (1955)

Bióloga galega, natural de Lugo, filla de labradores e de curandeiros. Licenciada e doutorada en Ciencias Biolóxicas pola Universidade de Santiago de Compostela, dedicou máis de 40 anos á investigación en botánica e micoloxía. Profesora reformada da Universidade de Vigo, dirixiu teses e publicou máis de 250 artigos científicos, libros e obras de divulgación. É tamén autora de novelas relacionadas co uso tradicional das plantas e participou en sociedades e grupos destacados como a Sociedade Galega de Historia Natural, o Grupo Micolóxico Galego e a revista Mykes.

Balbina Silva (1947)

Agricultora de Tó (Mogadouro), onde viviu case toda a vida agás nove anos en Angola. Nai de cinco fillos, posúe un amplísimo coñecemento práctico e tradicional das plantas que a rodean. A súa sabedoría procede da “universidade da vida”, herdada da familia e enriquecida coa lectura. Lembra e aplica de memoria numerosos nomes populares e usos —moitos xa non rexistrados en dicionarios— e sempre recomenda prudencia, lembrando que o natural pode ser útil, pero tamén perigoso se se emprega mal.