Alfonso Pazos. CMVMC de Teis. Recuperación do bosque autóctono. Experiencia da xestión forestal e social da comunidade considerada pola ONU coma “área conservada por comunidades locais” (ICCA – Indigenous and Conserved Communities Area) pola xestión e protección da biodiversidade do seu monte. Desafíos e recompensas.
A outra cara do monte: Aproveitamentos alternativos
As xornadas A outra cara do monte: Aproveitamentos alternativos foi un evento realizado na Facultade de Bioloxía os días 18 e 19 de setembro de 2019, que contou coa participación de representantes de mancomunidades e propietarios de montes, así como de persoal investigador e estudantes.
O Laboratorio de Micoloxía e a Facultade de Bioloxía son quenes promoveron esta iniciativa, xunto coa spin-off MycoGalicia Plantae. O evento contou co apoio do Consello Social da Universidade de Vigo.
O programa escollido ten como finalidade poñer en común experiencias positivas na procura dun mellor aproveitamento do monte e, ao tempo, converter esta cita nun eixo de formación e de reflexión sobre as alternativas para a contorna forestal e o futuro do rural galego, especialmente deprimido debido ao despoboamento do rural, o abandono dos usos tradicionais, as especies invasoras, a diminución da gandería… en xeral moitas ameazas que sofren os montes e que producen graves consecuencias como son, por exemplo, os lumes forestais.
Podes consultar todos os videos das xornadas A outra cara do monte dende o seguinte enlace
